قبل ما نتكلم عن هدايا هاند ميد حابه اسألكم شوية اسئلة هتعرف منها ليه المقالة اتكتبت اصلا !!

مين فينا مبيحبش يحس إنه مميز ؟

كلنا بنحب نحس إننا مميزين مش بس مميزين لا . كمان منفردين محدش يقدر ياخد مكانتنا

عشان كده  دايما بنحب نحس مكانتنا دي من الناس اللي بنحبهم  و بيحبونا 

= طيب هو فيه حاجة مميزة تقدر تخلينا نحس بدا غير هدية اتعملت مخصوص لينا باليد وكمان بحب ….

هي دي ميزة إن هديتك تكون هدايا هاند ميد 

 

تعالوا نعرف مع بعض إيه اللي بيميز هدايا هاند ميد عن غيرها من الهدايا الجاهزة 

1-  المنتج مميز يعني محدش معاه نفس الهدية أو المنتج اللي معاك

يعني لو طلبت شنطة هاندميد بشكل ولون معين مش هتلاقي حد لابس نفس موديل الشنطة بتاعتك وده عكس لما تشتري منتج من المحلات فيه منه نفس اللون والشكل والموديل كتير، ومن هنا بيكون شعور قد إي أنا حد مميز وشنطتي مميزة .

2- جودة هدايا هاندميد بتكون رائعة 

 ودا طبعا لسببين :

السبب الأول : إن المنتج مخصوص ومميز  وبيكون قطعة واحدة فريدة ومميزة فـ بالتالي بيكون الشخص اللي عمل المنتج حط روحه فيه وهنا ييجي السبب التاني 

إن المنتج الهاند ميد مصنوع بكل الحب لصاحبه من أول اختيار اللون والموديل والخامات اللي هتتعمل منها هدايا هاندميد وده طبعا عكس منتجات المحلات، لان اللي بيعمل منتج الهاندميد مش بيكون بيعمله لمجرد إنه يبيعه على قد ما بيكون بيعمله لإنه بيحب الشغل اللي هو بيعمله ويتقنه لأنه بيستمتع بكل تفصيلة فيه وهو بيعملها بإيده فبيكون شغله الشاغل في المنتج قد إيه جودته كويسه جدا مش قد إيه الكمية اللى ممكن تطلع من المنتج دا زي المصانع والشركات 

3- المنتج على ذوقك وحسب اختيارك يعني مش مضطر تاخد آخر قطعة من المنتج أبدًا سواء كان المنتج ليك أو هيتقدم هدية 

مع الهاندميد أنت تطلب الحاجة اللي أنت متخيلها وحابب تكون جزء من شخصيتك سواء كانت هي الحاجة دي تابعه للموضة أو لا ولكنها بتُتيح ليك تأسس الموضة الخاصة بيك حسب شخصيتك أنت، وهنا أنت مش مضطر تخضع لقوانين الموضة 

من فترة كنت محتاجة نوع جيبة معينة لفيت عليها كتير جدا وملقتهاش لمجرد إن الموضه اللي نازله السنه دي هي نوع معين من الجيب 

ولكن هل أنا مضطرة ألبس النوع ده من الجيب لمجرد إنه الموضة …….

أكيد لا .

وهنا كان الخيار الأمثل بالنسبة لي هو التفصيل ورسم نوع الجيبة اللي أنا بحبها حسب شخصيتي أنا 

4- المنتج فعلا بيعيش مدة طويلة وده لأكتر من سبب 

أول سبب جودته طبعا اللي اتكلمنا عليها بداية من اختيار الخامات لدقة وجودة الصنع من الشخص اللي بيعمله 

والسبب التاني  إنك بتكون طول الوقت عارف ومدرك قد إي هدايا هاندميد الخاصة بيك هي فريدة ومميزه وعشان كدا هيكون عندك كل الحرص على انك تحافظ عليها 

زمان أيام أجدادنا كانت كل المنتجات أو معظمها هي هاند ميد  وأغلبنا إن مكنش كل حد فينا عنده حاجة مميزة من أيام أجداده 

قولنا إيه الذكرى اللي لسه معاك من جدك أو جدتك ……………….

5- هدايا هاند ميد متطورة دايمًا 

وده ناتج من وجود عدد كبير من  الحرفيين اللي بيشتغلوا أنواع الهاند ميد المختلفة فدا بيخلي المجال كل يوم متطور وجودته أفضل باستمرار  عكس الموضة وشغل المصانع اللي تعتمد على الكميات والسيزون لحد ما يخلص 

كلها دي أسباب تخليك/ وتخليكي تفضلوا منتجات و هدايا هاندميد عن منتجات المحلات والمصانع 

ولكن رأيي أنا الشخصي إن منتج الهاندميد من زمان وهو متعلق بروحنا إحنا من يوم ما قعدنا جنب جدتنا وهي بتغزل الطواقي، وهي بتعمل الكوفية بتاعت جدو جنب المدفأة في الشتا والصبح على ريحة القهوة 

منتج الهاندميد هو متعلق بماضينا وحاضرنا وهيفضل مُتعلق بمستقبلنا لأن مستقبلنا مُتعلق بإحساسنا بالسعادة وهو ده اللي بيقدر يوصله لينا الهاندميد 

بنحس دايما بالدفء والحب والسعادة في وجوده

فإينما تواجد المنتج اليدوي تواجدت السعادة الممزوجة بالحب والحنين للماضي 

ودي رسالتنا في ارابيكيا دايما إننا ننشر السعادة والدفء والحب في كل البيوت وعشان كده تقدر تطلب كل أنواع منتجات الهاند ميد اللي تحبها وتحب تهاديها لحد بتحبه  واحنا علينا إننا نوفرهولك وتقدر تدخل المتجر بتاعنا من هنـــــــــــــــــــــــــــا 

أينما يتواجد الحب تتواجد ارابيكيا 

اطلب منتجك الان 

 

مواضيع مميزة 

أماكن تسويق المنتجات اليدوية تفرض العديد من المعايير لتسويق المنتجات لهذا يعاني منتجي الحرف اليدوية من عدم قدرتهم على بيع هذه المنتجات اليدوية أو عرض منتجاتهم في أماكن تسويق المنتجات اليدوية، يرجع لأسباب كثيرة  ، فهناك العديد من المعايير التي يجب أن يضعها منتجوا الحرف اليدوية في الاعتبار بدأً من البدء في إنتاج المنتج إلى بعد أن يصل المنتج للعملاء 

المعايير التي تحتاج لتوافرها أماكن تسويق المنتجات اليدوية:-

1- جودة الخامات 

المعيار الأول التي يجب أن يتوفر في المنتج وهو معيار من أهم المعايير أن تكون الخامات المستخدمة في صناعة المنتج خامة جيدة فحين  تقوم السيدة بإنتاج معطف من الكورشية فلابد أن تكون الخيوط ذات نوع جيد قليل العيوب ليعطي المعطف الشكل الجميل والجودة القوية المتينة 

2- تقفيل المنتج 

بعد الانتهاء من اختيار الخامات والبدء في إنتاج المنتج اليدوي نصل لنقطة النهاية في المنتج وهو التقفيل وهذه المرحلة مرحلة دقيقة جدا حيث أنها فارقة في جودة المنتج نفسه ، فلابد أن يكون تقفيل منتج الهاندميد بشكل ليس به شوائب ويجعل المنتج جذاباً للعملاء 

3- تصوير المنتجات 

هناك مقولة انجليزية مشهورة تقول  “A Photo Says Thousand Words” أي الصورة تقول ألف كلمة
وبانتشار التسويق الإلكتروني باتت الصورة  هي العامل الأساسي  لاتخاذ قرار شراء فكم من المرات جميعنا أتخذ قرار الشراء بمجرد رؤية صورة المنتج حتى لو لم يكن بحاجة لهذا المنتج
لهذا يجتمع المسوقين على أن الصورة تمثل 90 %  من التأثير على سلوك المستهلك  وجعله يميل لشراء المنتج ، بالتأكيد يوجد العديد من العوامل الاخرى ولكن مجموعها يتمثل تقريبا في 10 % من التأثير على سلوك المستهلك ولهذا يكون أحد الشروط الأساسية لأماكن تسويق المنتجات اليدوية 

4- تغليف المنتج

تغليف المنتج أمر في غاية الاهمية وكما يُقال تظبيط الشغل أهم من الشغل فتغليف المنتج وطريقة تقديمه له درجة أهمية أقوي من المنتج وأيضا تأثيره على سلوك العميل ليس فقط في رأي العميل عن المنتج ولكن تتمثل في تكوين ولاء عند العملاء وجعلهم يتمسكون بتجربة الشراء من نفس المتجر مرة أخرى ، كما أن التغليف له عامل مقارب لعملية التسويق وهو جزء منه يُسمى word of mouth  حيث يجعل العملاء يرشحون المنتج والمتجر لعملاء آخرين وهناك مقولة مشهورة في هذا الصدد تقول أن ” كل عميل يجذب أو يطرد 250 آخرين من العملاء من دائرة معارفه ” وبالتالي كل شخص من الـ 250 شخص يطردون آخرين
لهذا تتعرف أولاً على طرق تغليف المنتج قبل الموافقة على عرض المنتج لديهم 

5- خدمة الشحن وما بعد البيع  

خدمة الشحن جودتها أو درجة سوئها يقع فيها منتجوا الحرف اليدوية فريسة حيث تعدد شركات الشحن وتنوعها مع وجود معايير وعوامل عديدة ولهذا لا يكون الحرفيين على دراية كاملة بهذه المعايير ولكن يوجد عدة طرق أكثر أماناً كشحن البريد المصري ، حيث وفر البريد المصري خدمة الشحن مؤخراً مصطحبة بفيزا تسمى Easy pay  تتيح لأصحاب المنتجات تحصيل مبالغهم بأمان عند شحن المنتج وتوفير الأمان للعملاء أيضا من جانب جودة المنتج وتوفير ميز الدفع عند الاستلام 

أما عن خدمات ما بعد البيع فهي ميزة لا تتوفر عند الكثير والقائم بها فائز وإن كان خاسرا حيث متابع وصول المنتج وجودة المنتج واستهلاكه وتهنئة العميل به ، وتكون هذه الميزة البسيطة صاحبة الصدى الاقوى لدى العملاء فجميعنا طبيعتنا البشرية فُطرت على حب الاهتمام لذلك أماكن تسويق المنتجات اليدوية ومورديها لابد منهم بالاهتمام بهذا الجزء خصيصا

وبهذا نكون قد تعرفنا على مجموعة من المعايير التي تحتاج إليها أماكن تسويق المنتجات اليدوية بل ويحتاج إليها أي شخص قائم بعملية التسويق لمنتجات الهاند ميد
فإذا كنت أحد الموردين أو منتجي المنتجات اليدوية فبادر سريعا بالتواصل معنا في ارابيكيا ستور لتسويق المنتجات اليدوية  لعرض منتجاتك والحصول على استشارات كالة حول عوامل ومعايير تميز المنتج وجعله الأكثر مبيعا