تسعير منتجات الهاند ميد

تسعير منتجات الهاند ميد  ؟

تسعير منتجات الهاند ميد من المشاكل التي يتم مواجهتها بصفة مستمرة، ازاي احط سعر للمنتج بتاعي ؟

وفي حالة إن المنتج اتسعر فعليا بيفضل الشخص يسأل نفسه 

هل سعر المنتج غالي …. طيب هل سعره رخيص ؟ 

ويفضل الشخص اللي عمل المنتج يلف حولين نفسه في دايرة ازاي احط سعر مناسب لمنتجي ويكون مناسب للعميل وكمان يكون فيه تقدير جهدي وتعبي ؟

عشان كده في المقالة دي هنتكلم عن استراتيجية تحديد سعر منتجات الهاند ميد handmade بكفاءة وفعالية  

أول شيء محتاجة تحددية بدقة قبل ما تحاولي تسعري منتجك هو هياخد خامات قد أي وتكلفتها كام وطبعا الجزء ده مفيش فيه مشكلة 

يعني لو انتِ بتعملي اكسسوار خرز بتحددي خد قد إى خرز وتكلفة الخرز ده كام؟!

= طيب تمام جدا حددنا تكلفة الخرز 

ننتقل للنقطة الثانية وهي الادوات اللي استخدمتها عشان اعمل الاكسسوار 

=إيه ده هو العميل هيدفع تكلفة الأدوات  😳😳

• هقولك لا مش بالظبط 

هو هيدفع جزء منها  وجزء بسيط  جدا وليكن من 5 ل 10 ج 

= طيب هتعملي ايه بالتكلفة دي ؟ 

هتعملي حصاله صغننه كده تحطيها فيها عشان لما الادوات بتاعتك اللي بتشتغلي بيها تبوظ ولا تتكسر تقدري تجيبي غيرها 

ودي حاجة بيسموها بتوع المحاسبة معدل إهلاك الآلة 

• طيب انا مبستخدمش أدوات يبقى مش هحطها اصلا 

نتنقل بسرعه للنقطه التانية اللي هي السوق 

ببساطه جدا الناس اللي في المجال سواء بيعملوا اكسسوارات أو كروشية وتريكو نفس المنتج بتاعك بالظبط منتجهم سعر كام 

أو متوسط سعر المنتج يعني بيبدأ من كام  وأعلى سعر له كام 

وهنا ييجي في بالنا سؤال مهم 

هو ده صح إني  أسعر بناء على السعر اللي بره 

= انتِ مش هتحطي السعر اللي بره بس هتخليكِ عارفه و لازم تبقي عارفاه كمان 

طيب ده ليه ؟ 

عشان تقدري تقدري جهدك وتعبك صح وفي نفس الوقت تبيعِ المنتج للعميل بتاعه الصح حسب جودة شغلك 

طيب دلوقت عرفنا سعر المنافسين بتاعنا وحددنا نسبة على تكلفة الاله اللي بنستخدمها محددنا تكلفة الخامات فاضل إيه كده 

بالظبط هامش ربحك حسب جهدك وتعبك 

والجزء ده هنقسمه 3 أجزاء 

شغل سهل  …، شغل متوسط …، شغل صعب 

وهنحط تكلفة تقديرية لكل قسم من دول حسب الساعه 

= يعني إي 

يعني هقول إن الساعه للشغل السهل 20 ج 

والساعه للشغل المتوسط 25 

والساعه للشغل الصعب 30 

وأبدأ احسب عدد الساعات اللي خدها المنتج واضربها في التكلة للساعة هيطلع لي إجمالي جهدي أجمع عليه التكلفة بتاع الخامات والإهلاك  هيطلع لي تكلفة المنتج 

ييجي دور إني اشوف سعر منتجي فين من أسعار الناس التانيين في نفس المجال 

وطبعا احنا عارفين اعلى سعر واقل سعر فبالتالي سعر منتجنا هنخليه في المتوسط 

= طيب بالنسبة للناس اللي بيقولوا لك ملكيش دعوة بالمنافسين 

النظرية دي نصها صح ونصها غلط 

• نصها الصح إنك متظلميش شغلك وجهدك 
• نصها الغلط إن الهاند ميد زيه زي أي منتج تاني عميلة مهما بيكون عارف جودته ومقتنع بيها ولكنه بيدور على السعر المعقول بالنسبة له ، فبالتالي لو حد تاني بيبيع نفس المنتج أقل 5 ج هشتريه ومن هنا النظرية تثبت خطأها في جانب تاني 

وبكده عرفنا ازاي انحدد سعر منتج الهاند ميد handmade  بتاعي 

ولو لسه محتارين إزاي تسعروا المنتج فورا تواصلوا  معنا من خلال المسج على الواتساب 

او من خلال صفحتنا على الفيس بوك

مواضيع مميزة 

النحاس ودوره في إبراز اناقتك من خلال الاكسسوارات النحاسية

ليه اشتري هدايا هاند ميد ؟